Un Proceso Inovativo

E momento a yega pa e comunidad di Aruba expresa e rumbo cu Aruba mester tuma. E diferencia entre pasado y presente ta cu e contribucion di e comunidad Arubano lo bira e base di un vision; un plan strategico cu lo realisa e pasonan necesario pa logra e vision di Nos Aruba 2025. Door di produci un vision, por bin cu meta pa implementa e vision aki y pa experencia finalmente e Aruba cu nos comunidad berdaderamente ta desea. E delaster binti aņanan e economia di Aruba ta wordo caracterisa pa cu un crecemento economico hopi grandi cu consecuencia cu nos poblacion a crece hopi cu e necesidad, riba un base constante, pa mehora nos educacion y salubridad publico. Tambe tin e necesidad pa proteha nos medio ambiente. Consecuentemente, metanan riba tereno economico, social y di medio ambiente mester wordo coordina na un manera integral pa logra un desaroyo na unda tin un balans entre e sectornan cu sostenibilidad den mente.

Actualmente hopi instancia tin un vision tocante desaroyo sostenibel cu ta leu for di otro. Tambe e manera cu planificacion ta tumando lugar y con e vision di e diferente instancianan ta wordo formula den diferente plan strategico ta leu for di otro. Consecuentemente, ta haci falta un proceso cu tin relacion cu otro y ta coherente cu tin indicacion pa planificacion di termino largo y cooperacion cu otro instancia di importancia. Tambe, ta haci falta un cooperacion optimal entre e instancianan. Hopi biaha ta haci falta di comunicacion entre instancianan y ta den algun caso so esaki ta tumando lugar structural- y frecuentemente. Ademas, tin hopi biaha falta di un proceso di planificacion structural.

Un otro diferencia cu experencia di pasado, ta e manera integral cu lo coordina e metanan cu lo bin dilanti. Esaki kiermen cu meta riba tereno economico, social y di medio ambiente lo ta relaciona cu otro pa produci un resultado balansa. E manera integral aki ademas lo haci e realisacion di e vision di nos Aruba un exito, ya cu e actornan di diferente sector lo ta cooperando cu otro durante e proceso di e vision di Nos Aruba 2025. Tanto sector priva como sector publico y comunidad en general lo participa activamente den e proceso.

Kico ami por haci?

Mi ta stima mi isla. Mi kier lo mihor pa mi pais. Con mi por aporta?

Tin diferente manera cu bo por contribui na Nos Aruba 2025.

  • Comparti bo storia riba e forum interactivo di e website.
  • Publica bo portretnan favorito riba e website
  • Via di e forum interactivo riba e website aki bo por duna bo aporte riba temanan, analisis y discusionnan.
  • Participa na e actividadnan organisa den cuadro di Nos Aruba 2025.
  • Conta tur otro hende di Nos Aruba 2025. 
  • Comisionnan ta habri pa tur persona den comunidad cu ta interesa pa aporta na Nos Aruba 2025 pa medio di e actividadnan di analisis, discusion y raportahe.