A scohe pa un metodologia participativo cu yama “Appreciative Inquiry” (investigación apreciativo) . E método aki ta enfatisa e parti positivo di bida, e ta analisa kico ta bai bon en bes di negativismo. E método aki ta wordo usa door di haci preguntanan positivo na diferente miembro den comunidad. Akibou por haya diferente presentacion den Powerpoint y articulonan cu a wordo usa den diferente training. AI General
Fase di Descubrimento
Durante e prome fase di e proceso, e obhetivo tabata pa haya sa di e comunidad kico ta e forsanan di Aruba. Pa haya tur e informacion aki, a train e facilitadornan di diferente background durante 4 dia di curso na Universidad di Aruba. Akibow por mira e presentacionnan den Powerpoint. Durante e fase aki a tuma lugar un Simposio di Desaroyo Sostenibel. Despues di cada fase, a skirbi un raportahe pa indica e resultadonan di Nos Aruba 2025 durante e fase y otro evenemento y trainingnan.
Fase di Visualisacion
Den e fase aki mester a visualisa y bin cu diferente scenario con Aruba lo ta na 2025. Akibou por haya e presentacionnan usa den e workshop. Entre otro a trata: tuma decision den incertidumbre, traha scenario y e SOAR. Ademas di esaki tabata tin un evento cu yama “plenary review event” cu a tuma lugar, den cual e participantenan mester a trece diferente topico dilanti pa después lanta e comisionnan. Pa sera e fase aki a tene un evento na Ostrich Farm na unda tur e input y resultado ricibi durante e fase aki a wordo integra. A usa e input aki pa e siguiente fase di AI, cual ta e Fase di Diseña.
Fase di Diseña
E fase aki tabata pa diseña ken mester ta envolvi y loke a wordo visualisa. Durante e fase di visualisacion 11 comision a start riba e topiconan haya importante pa yega na e desaroyo sostenibel pa Aruba na 2025. E comisionnan aki lo traha plannan di accion. A formula un “Terms of Reference” especialmente pa e comision usa pa guia nan trabow. Adicionalmente, a train e miembronan di comision den e metodologia di AI pa usa e hermentnan necesario pa formula y determina entre otro e actornan importante y e accionnan.
Fase di Destino
Den e fase aki di Destino lo descubri formanan innovativo pa asina yuda Nos Aruba 2025 yega na implementacion di e meta principal di e proyecto aki. Lo obtene e meta di e fase aki cu continuación di e trabou di e comisionnan pa cu e investigacionnan cu lo wordo entrega manera acorda den e Terms Of Reference (condicionnan di referencia) y e comite consultativo di e proyecto. E ta un proceso pa traha riba e compromisonan pa un futuro comun door di dialoga y debati, formula y crea oportunidadnan den un forma propio . Manera tabata e caso den e fase di diseño, e comisionnan lo produci nan rapportnan door di dialoga, debati y formula. Esaki lo tuma lugar te ora e personanan involvi den Nos Aruba 2025 yega na e punto unda tur hende involvi tin e sentimento y motivacion cu esaki ta e comunidad Arubano cu nan como persona of respectivo identidad lo kier pone nan energía aden. E yabi pa e fase di destino ta pa crea un contexto deliberadamente inclusivo y sostenibel pa conbersacion y creacion conhunto.
Otro articulonan interesante
- The Power of Appreciative Inquiry: A Practical Guide to Positive Change by Diana Whitney and Amanda Trosten-Bloom
- Encyclopedia of Positive Questions, Vol. 1 - Using AI to Bring Out the Best in Your Organization by Diana Whitney, PhD, David Cooperrider, PhD, Amanda Trosten-Bloom, and Brian Kaplin
- Dynamic Relationships: Unleashing the Power of Appreciative Inquiry in Daily Living by Jacqueline Stavros, Cheri Torres
- Appreciative Living: The Principles of Appreciative Inquiry in Personal Life by Jacqueline Bascobert Kelm (2005).
|
